Herlewing -- Die Vermiste Skakel
Waarom kom daar nie herlewing in my gemeente nie?
Alhoewel daar verskeie redes kan wees waarom die Here nie gebede vir herlewing antwoord nie, is een van die belangrikste omdat Jesus Christus se Groot Opdrag nie bo-aan die Kerk en gemeente se prioriteitslys is nie. Jesus Christus se Groot Opdrag behels nie slegs plaaslike en oorgrens uitreiking nie -- dit behels die uitdra van die Evangelie na die onbereikte wêreld en uiteindes van die aarde!
Wat het Jesus Christus se Groot Opdrag en herlewing met mekaar te doen?
Jesus Christus sal geen gemeente met ware herlewing vertrou, wat Hy nie in die eerste plek kan vertrou met die uitvoering van Sy Groot Opdrag nie!
Waarom moet elke gemeente betrokke wees om die Evangelie na elke volk, stam en taal te help bring?
Hoe kan elke gemeente betrokke wees by die uitdra van die Evangelie na die uiteindes van die aarde?
1. In die eerste plek, deur 'n algehele oorgawe aan die Here se Woord - Sy geopenbaarde wil, doel, hooftaak en roeping vir my, my kerk en gemeente.
2. Deur die gemeente se fokus voortdurend te rig op die hooftaak van God in die wêreld en die Kerk se wêreldsendingtaak, deur die prediking -- en nie slegs eenmaal per jaar met 'n sendingbyeenkoms nie.
3. Deur 'n doelgerigte ondersteunende rol te speel vir sendingbedieninge wat besig is om die Evangelie uit te dra na die uithoeke van die aarde en dit as 'n gemeentelike prioriteit te hanteer.
4. Deur lidmate te mobiliseer om die Evangelie digitaal te help uitdra na die mins-geëvangeliseerde wêreld. Projek KuberWêreld is spesifiek hiervoor geroep en wil graag ons visie met julle gemeente deel.
Volg asseblief hierdie skakel na Projek KuberWêreld se Digitale Wêreld-Uitreikprojek.